Тыа сириттэн гражданскай авиацияҕа биир дьиэ кэргэнтэн үс уол үлэлиирэ, үөрэнэрэ – ураты көстүү Чараҥ бөһүөлэгэр олорор Анастасия Ивановна, Гаврил Гаврильевич Бурцевтар түөрт уолларыттан үһэ гражданскай авиацияҕа үлэлии, үөрэнэ сылдьаллар.
Улахан уол Дмитрий Бауман аатынан Москватааҕы государственнай техническэй университет гражданскай авиация көтөр аалын инженерэ идэни ситиһиилээхтик баһылаан, билигин Москваҕа олорор, үлэлиир.
Үһүс уол Иван – Санкт-Петербурдааҕы государственнай гражданскай авиация университетын филиалыгар Гришуков аатынан Дьокуускайдааҕы гражданскай авиация летнай-техническэй училище курсана.
Кыра уол Николай – Ульяновскайдааҕы гражданскай авиация институтун филиала Ляпидевскай аатынан Омскайдааҕы гражданскай авиация летнай-техническэй колледж курсана. Авиация үөрэҕэр үөрэх-билии, эт-сиин, сиэр-майгы өттүнэн чаҕылхай дэгиттэр уолаттар туттарсан киирэллэр.
Бурцевтар уолаттарын иитэн-үөрэтэн, такайан, олоххо бэлэмнээх буола улаатыннарбыттарыттан киһи эрэ үөрэр, холобур оҥостуох суола.
