Быйылгы “Аҕа уолунаан” улуустааҕы күрэх Дойдуга Дьиэ кэргэн, Саха Сиригэр Оҕо саас, Уус Алдан улууһугар Аҕа сылларыгар анаан уонна Аҕа күнүн көрсө муус устар 2 күнүгэр Бастакы Хоро нэһилиэгэр Нэлээн эбэ күөлүгэр буолан ааста.
Хамаандаларга 14-16 диэри саастаах уолаттар аҕаларын кытары өбүгэ саҕаттан кэлбит эр дьон үлэтигэр, барыта 7 көрүҥҥэ күрэхтэстилэр.
1. Бэйэни билиһиннэрии
2. Маһы суоруу
3. Маһы эрбээһин
4. Мас хайытыыта (уол саһааннааһына)
5. Ойбон алларыыта
6. Баҕанаҕа ыттыы
7. Чэй оргутуу
8. Булт биатлона
“Аҕа уолунаан” күрэх түмүгүнэн Элэһин олохтоохторо Руслан Попов уолунаан Ильялыын кыайыылаах тахсаннар муус устар 6-7 күннэригэр Майаҕа Ураһалаах алааска ыытыллыахтаах “Аҕа күрэҕэ — 2024” XXIV өрөспүүбүлүкэтээҕи күрэхтэһиигэ Уус Алдан улууһун аатыттан кыттар чиэскэ тигистилэр. Кинилэргэ үрдүк ситиһиилэри баҕарабыт!
