Быйыл “Манчаары” тыйаатыр устуудьуйата тэриллибитэ 10 сылыгар Чараҥ култууратын киинэ Саха АССР үтүөлээх артыыһа, драматург Илья Иванович Находкин-Ылдьаа Нохуоккун аатынан бириэмийэҕэ драма суруйуутугар аһаҕас күөн күрэһи биллэрбитэ.
Күрэскэ барыта 10 кыттааччы кыттыыны ыллылар:
— Попов Иннокентий Петрович-Оҕуруоттаах (Уус Алдан) “Дьэ, буоллаҕа…”
— Матвеева Матрена Дмитриевна-Мотуо (Уус Алдан) “Ойуунускай Уус Алдаҥҥа сырыыта” (оҕолорго аналлаах).
— Николаев Валериан Парфеньевич (Дьокуускай) “Өлүүнү кыайбыт өлбөт”
— Винокурова Раиса-Сэндиэлэ (Дьокуускай) “Маайа”
— Герасимова Мария Андреевна-Сэҥээрэ (Чурапчы) – “Алааппыйа араллааннара” (көр-күлүү), “Кууруссалар араллааннара”, “Аһыы утах абылаҥар”, “Төрөппүттэр” (сыаҥкалар).
— Чичахова Елена Васильевна (Мэҥэ Хаҥалас). “Доҕордуулар” (оҕолорго аналлаах).
— Андросов Иван Афанасьевич-Айанньыт (Дьокуускай) “Иэс…”
— Сидорова Надежда Васильевна (Мэҥэ Хаҥалас) – “Биир сайын Суолаҕа”
— Бурцева Антонина Романовна-Далаһа (Уус Алдан) – “Ийэ сүрэҕэ-таас, оҕо сүрэҕэ – ийэҕэ”
— Корякина Римма Иннокентьевна-Хотууна (Чурапчы) – “Моһуоктаах хоноһо” (көр-күлү), “Остуоруйа дойдутун дьиктитэ” (оҕолорго аналлаах).
Дьүүллүүр сүбэҕэ үлэлээтилэр:
Находкина Мария Ивановна – киносценарист, бас дьүүллүүр сүбэ, Илья Иванович сиэнэ.
Свинобоева Екатерина Прокопьевна – Ылдьаа Нохуоккун аат. Чараҥ култууратын киинин уус-уран, “Манчаары” тыйаатыр устуудьуйатын салайааччыта, режиссера.
Захарова Екатерина Владимировна – “Мүрү саһарҕата” Уус Алданнааҕы хаһыат суруналыыһа, “Манчаары” тыйаатыр устуудьуйатын кыттыылааҕа.
Күрэххэ биллэриллибит түөрт хайысхаттан үс хайысхаҕа чыпчаал кыайыылаахтар таҕыстылар:
- Алын кээмэйдээх пьесаны суруйууга – Бурцева А.Р.-Далаhа “Ийэ сүрэҕэ-таас, оҕо сүрэҕэ – ийэҕэ”
- Пьесаны суруйууга – Андросов И.А.-Айанньыт “Иэс”
- Оҕолорго аналлаах пьесаны суруйууга – Чичахова Е.В. “Доҕордуулар”.
Дьүүллүүр сүбэ сыанабылын ылбыт бу үс айымньылар 2024 сылга Ылдьаа Нохуоккун аатынан Чараҥ култууратын киинин сыанатыгар “Манчаары” тыйаатыр устуудьуйатын туруоруутугар көрөөччүгэ тахсыахтара, ытыс тыаһын истиэхтэрэ.