Өрөспүүбүлүкэбитигэр Олоҥхо декадатыгар анаан Ылдьаа Нохуоккун аатынан Чараҥ култууратын киинин уус-уран салайааччыта Екатерина Свинобоева олоҥхо — уус-уран тылы байытар, саҥарар, толкуйдуур үөрүйэҕи иҥэрэр сүдү айымньы буоларын оҕолорго тиэрдээри, «Олоҥхону ааҕабыт» диэн ааҕыы уруоктары тэрийэн ыытта.
«Олоҥхо ааҕыытыгар» Василий Мигалкин аатынан Чараҥ орто оскуолатын 5-11 кылааһын оҕолоро кытыннылар.
Сэтинньи 27 күнүттэн ахсынньы 1 күнүгэр диэри оҕолор Сэргэй Борогонскай «Күн Эрили» олоҥхотун толору ааҕан бүтэрдилэр.
Оҕолор олоҥхону ааҕан, олоҥхо уус-уран, барҕа баай тылыгар болҕомтону, төрөөбүт тылга ытыктабылы, тапталы иҥэриннилэр.
Даҕатан эттэххэ, ааҕар оҕо билигин аҕыйах. Онон бу курдук, ааҕыыга көҕүлээһин барыбыт сорукпут буолар.
Бу «Олоҥхону ааҕабыт» ааҕыы уруоктара оҕолорго туһалаах, үтүө түмүктээх буолуо диэн эрэнэбит.