«Ыраахтааҕы ыйааҕа» испэктэк

Чараҥнааҕы «Манчаары» тыйаатыр устуудьуйа Былатыан Ойуунускай «Ыраахтааҕы ыйааҕа» испэктээгэ.

Туруорааччы режиссер Екатерина Свинобоева.

Көрөөччүлэр санаалара:

— Киириитигэр нууччалыы тыллаах киинэ көстөрө өйдөбүл биэрэрэ бэрт эбит, онтон салҕанан сахабыт олоҕо дьаһаҕа, батталга олорор түҥкэтэх сир дьоно бэйэлэрин санааларын балачча туруорустахтара, онтон биир түгэн буоллаҕа

— Олох да билбэт айымньым эбит, бириэмэтигэр,СВО кэмигэр, сөрү сөпкө туруорбуттар ,маладьыастарын, аны оонньуур дьоммут олох идэтийбит артыыстар курдук оруолларыгар киирэн оонньоотулар дии, саҥалара, куоластара оруолларыгар барсар ахан, ордук билэрдии Иван Окоемовтан соһуйдум, сөхтүм , бэркэ суруксуту оонньоото, дьахтар оруоллара табыллыбыттар, туттан хаптан оһуобайдар, эр дьону этэ да барбаккын, идэлээх артыыспыт Афанасий оһуобай, Афанасий Копырин чаҕылхайдык арыйда, уоллаах кыыс чуопчаараннар бэрт сэргэхтэр, маладьыастар киэргэттилэр спектаклы, Ирина Ивановаттан астыныы олох, туттан хаптан хаамара , өссө да уһун эбитэ буоллар

⁣- Өссө уһун эбитэ буоллар, киһи көрө олоруох эбит

⁣— Бэрт испэктээги көрдүм, астынным. Оруолу толорооччулар бэккэ оонньууллар эбит, декорацияҕыт оһуобай Оҕолор маладьыастар, олус үчүгэйдик оруолларын толордулар.

⁣- «Ырахтаа5ы ыйаа5а» кэмиэдьийэни туруорда Екатерина Свинобоева. Талан суумэрдээн артыыстара итэ5этиилээхтик оонньоотулар. Былырыын быйыл тыаска-ууска, уотка-куескэ кыhамньыылаах улэhит кэлэн дьон махталын ылан ылар. Артыыстар танастарын себунэн керен таннан керееччугэ ордук тиэйэмтиэлэр. Олохтоох оголор ис турукка киирэн оонньоотулар. Окоемовтары оруолларын олох киьи керен се5ер. Быраатым Павел Охлопков, Вера Самсонова, боро5онтон кыттыбыт артыыстар кими да ордорбоххо туран сехтум хай5аатым.

⁣- Киһи биир тыынынан көрөр кэмиэдьийэтэ буолбут, дуоһуйа астынан, сынньанан кэллим. Хас биирдии артыыс оруолун олус истиҥник, итэҕэтиилээхтик толордо Оҕолор наһаа астыктар, маладьыастар Бука бары артыыстарга, Екатерина Прокопьевнаҕа, сынньалаҥ киин үлэһиттэригэр барҕа махтал буолуохтун. Айар үлэҕитигэр өссө даҕаны үрдүк чыпчааллары, дабайыылары баҕарабын

⁣- Наһаа үчүгэй испэктээги көрөн астынан дуоһуйан кэлбитимҮлэҕэр, сүдү талааҥҥар ситиһиилэри баҕарабын, айар үлэн абылаҥнаах буоллун, бу курдук эһи устуудьуйаҕыт улам улаатан, кэҥээн, өссө чаҕылхай туруоруулар дьон киэҥ араҥатыгар тахса турдун, көрөөччү саалын ытыс доҕуһуолун тыаһа уҕараабатын, оҕо-аймах, ыччат дьон үрдүк искусствоны таптыы үөрэнниннэр, кэнэҕэс баҕар Хоро сириттэн эһиги устуудьуйаҕытыттан кынат анньынан биллэр-көстөр артыыстар иитиллэн таҕыстыннар диэн баҕа санаабын этэбин.

— Наһаа үчүгэй кэмиэдьийэни көрдүбүт. Оонньуур дьон уобарастарын толору астылар. Ордук суруксуту,кыра уол,кыыс оонньууларын астынным. Ойуунускай үйэлэри уҥуордаан дьон майгытын, дьүһүн кубулуйарын, бэйэмсэх буолууну, улаатымсыйыыны саралаан бэккэ суруйан хаалларбыт. Билигин буола турар быһыы-майгы уруккуттан уларыйбакка хатылана турара киһини хомотор. Бэйэбит дьоммутун өлүү айаҕар анньа турарбыт, бэйэ бэйэбитин сиэһэрбит тохтообокко өссө сэтэрээн бэргиир. Итинник майгыбытын өтө көрөн кэриэһин суруйбут улуу убайбыт айымньытын киһи көрө олорон күлэр курдук гынан баран дьиҥ иһигэр киһи ытыыр. Екатерина Прокопьевнаҕа махтанабын. Өссө да айымньылары тилиннэрэн, аттыбытыгар сылдьар дьон талааннарын таба көрөн арыйан айымньылаахтык үлэлээ-хамнаа