Балаҕан ыйын 30 күнүгэр Аан дойдутааҕы Аҕам саастаахтарын уонна Учуутал күннэрин көрсө РСФСР норуотун үөрэҕириитин туйгуна, СӨ «Учууталлар учууталлара», педагогическай үлэ бэтэрээнэ, СӨ үөрэҕириитин бочуоттаах бэтэрээнэ, СӨ ытык кырдьаҕаһа, 1-кы Хоро нэһилиэгин ытык олохтооҕо ОЛЬГА ИННОКЕНТЬЕВНА НЕУСТРОЕВА сырдык кэриэһигэр анаан тахсыбыт «СИРДЭЭҔИ АНАЛЫ ТОЛОРОН» кинигэ сүрэхтэниитэ буолан ааста. Тэрээһиҥҥэ Б. Мыгаалкын аат. Чараҥ орто оскуолатын үөрэнээччилэрэ, учууталлара Ольга Иннокентьевна олоҕор оҕо, учуутал, оскуола улахан суолталааҕын чопчулаан оскуола тиэмэтигэр суруйбут хоһооннорун ааҕан иһитиннэрдилэр. Онтон үөрэппит оҕолоро, бииргэ үлэлээбит дьоно, аймахтара, кыргыттара Анастасия, Екатерина, кэргэнэ Николай Иванович истиҥник ахтан аастылар, долгуйа кэпсээтилэр.