Алтынньы 8-11 күннэригэр аҕам саастаахтар декадаларын иһинэн Үһүс саас оскуола үөрэнээччилэрин уонна нэһилиэкпит уран тарбахтаахтарын оҥоһуктарынан «Айар иэйиим — мин дьарыгым» быыстапка Ылдьаа Нохуоккун аат. Чараҥ култууратын киинин быыстапка саалатыгар турда. Кыттыыны ылбыт Бурцева А.П., Бурцева Е.С., Бурцева А.Р., Конникова И.И., Бурцева К.Г., Аргунова З.Ф., Бочкарева С.И., Бурцева Г.Н., Кривошапкина З.И., Бурцева О.Р., Бурцева А.С., Алексеева Н.И., Федорова Р.В., Крылова С.Ф., Гуляева М.М., саамай аҕа саастаах кыттааччы — Матвеева А.П., эдэр кыттааччы — Бурцева Л.С. саҥа үлэлэрэ көрдөрүүгэ турдулар. Бурцев Г.Г. быыстапкаҕа бастакытын муос оҥоһуктарынан кыттан дьон биһирэбилин ылыан ылла. Үһүс саас оскуоланы үһүс сылын Зоя Федоровна Аргунова салайан үлэлэтэр. Нэһилиэк бэтэрээннэрин сэбиэтин салайааччыта Бочкарева С.И. оҕуруонан сатабыл оскуолатын (мааста кылаас) ыытта.
