Уус Алдан улууһугар доруобуйа харыстабылын тэрилтэтэ төрүттэммитэ 125 сылын, улуустааҕы хааны кутар сулуусба тэриллибитэ — 55, клиническай-диагностическай лаборатория сулуусбата уонна хирургия салаата тэриллибиттэрэ — 75 сылларын бэлиэтиир улахан үбүлүөйдээх тэрээһин ахсынньы 4 күнүгэр Күлүмнүүр аатынан култуура дыбарыаһыгар ыытылынна. Бу тэрээһиҥҥэ «Алтан кыл» айар устуудьуйа кыттыылаахтара Гаврил Свинобоев уонна Петр Копырин ыллам ырыаларынан киэргэттилэр, доруобуйа харыстабылын бары үлэһиттэрин эҕэрдэлээтилэр.
