Кулун тутар 13-14 күннэригэр Чараҥ спортзалыгар Уус Алдан улууһун анал байыаннай дьайыы (СВО) кыттыылаахтарын сырдык кэриэстэригэр анаан Тхэквондо күрэҕэ буолан ааста. Барыта 10 хамаандаҕа – 168 оҕо, тренердэр кыттыыны ыллылар, төрөппүттэр, ыалдьааччылар сырыттылар. Улуус баһылыга В. П. Алексеев күрэхтэһии кыттыылаахтарын эҕэрдэлээтэ, ситиһиини баҕарда. Тхэквондо күрэхтэһиитэ Саха сиригэр киэҥник тарҕаммыт спорт көрүҥэ буолар. Сүрүн күрэхтэһиилэр Саха Өрөспүүбүлүкэтин таһымыгар уонна аан дойдутааҕы таһымҥа («Дети Азии») ыытыллаллар. Тхэквондо федерациялара (ВТФ уонна ИТФ хайысхаларынан) сыл аайы Саха Өрөспүүбүлүкэтин чемпионаттарын уонна первенстволарын тэрийэллэр.
