Саха Өрөспүүбүлүкэтигэр Култуура сылыгар, ону тэҥэ төрөөбүт Уус Алдан улууспутугар Сомоҕолоһуу сылыгар анаммыт үтүө тэрээһиннэр салҕаналлар. Бу алтынньы ый 16-17 уонна кэлэр 24 күннэригэр улуус олоҕор биир сэргэх, чаҕылхай түгэн буолла – Чараҥ, Майаҕас уонна Мындааба култуураларын дьиэлэрин холбоһук кэнсиэрэ көрөөччүлэри сөхтөрдө.
Култуура диэн – норуот үйэлээх өйө-санаата, ийэ тыла, сиэрэ-майгыта уонна кэрэҕэ дьулуһуута. Ол кэрэни өрө тутан, үс култуура дьиэтин айар талааннара, култуураҕа бэриниилээх үлэһиттэрэ биир сыанаҕа сомоҕолоһон ырыа-үҥкүү дьоро киэһэтин Чараҥ уонна Мындааба көрөөччүлэригэр бэлэхтээтилэр.
Бу холбоһуктаах айар киэһэ сыана үрдүгэр чахчы сомоҕолоһуу күүһүн көрдөрдө. Нэһилиэктэртэн мустубут үҥкүүһүттэр, ырыаһыттар бэйэ-бэйэлэрин толорсон, биир тыыннаах тэрээһини үөскэттилэр. Көрөөччүлэр хас үҥкүүнү, ырыаны дохсун ытыс таһыныытынан истиҥник көрүстүлэр.
Маннык тэрээһиннэр нэһилиэктэр икки ардыларынааҕы айар ситими күүһүрдэллэр, олохтоох култуура үлэһиттэрин сатабылларын атастаһалларыгар саҥа кыахтары арыйаллар. Кэнсиэр көрдөрбүтүнэн, биһиги улууспутугар талааннарбыт үйэлээх үгэстэри тутуһан, сайдан иһэллэрэ киһини эрэ үөрдэр.
Айар кэлэктииптэргэ өссө да үрдүк ситиһиилэри, саҥа былааннары уонна сырдык айар суолу баҕарабыт! Норуот кутун туппут кэрэ киэһэлэр өссө да элбии турдуннар.
__________________
В Республике Саха (Якутия) продолжаются праздничные мероприятия, приуроченные к Году культуры, а также к Году консолидации в нашем родном Усть-Алданском улусе. Совсем недавно в общественной жизни улуса произошло яркое и незабываемое событие – совместный концерт домов культуры сел Чаранг, Маягас и Мындаба, который искренне восхитил и покорил сердца зрителей.
