Норуоттар икки ардыларынааҕы «Аар Кудай» кэрэ көстүү уонна сиэрдээх майгы күрэҕэр бэлэмнэнии буола турар. Өрөспүүбүлүкэҕэ аан бастакытын ыытыллар сонун тэрээһиҥҥэ араас улуустартан 45 араас идэлээх дьахтар кыттаары сылдьар. «Аар Кудай» эрдэ улуустарынан ыытыллыбыта, онно 300-тэн тахса кыттааччыттан талыллан кулун тутар 16 күнүгэр Суорун Омоллоон аат. опера уонна балет театргар түмүк күрэххэ 45 дьахтар кыттыахтара. Кинилэр истэригэр, биһиги биир көхтөөх кыттааччыбыт — үҥкүүһүппүт, артыыскабыт, конферанспыт Сардаана Гуляева баар. Киниэхэ ситиһиилэри баҕарабыт!
