Саҥа Дьыл чугаһаатаҕын ахсын киһи ис-иһиттэн үөрэр-көтөр, туох эрэ кэрэни эрэнэ кэтэһэр, саҥа дьыл тыыныгар ылларан кыһын тымныытын, ураты кэрэтин ырыаҕа-тойукка ыллыан-туойуон, сырдык, ыраас санааҕа куустарыан баҕарар!

Ахсынньы 31 күнүгэр Саҥа 2025 сылы көрсө «В РИТМЕ НОВОГО ГОДА» театрализованнай кэнсиэр уонна сүүйүүлээх оонньуу оонньонно. Кэнсиэркэ Саҥа Дьыллааҕы сэбиэскэй кэминээҕи ырыалар ылланнылар: Адриан Афанасьев «Три белых коня», Петр Копырин «Зима», Олеся Крылова «Это Новый год», Екатерина, Гаврил Свинобоевтар «Завируха», Николай Бурцев «Новый год», бөлөҕүнэн «Снежинка». Саксофонист Павел Охлопков Виктор Зинчук «Полет» Demiss Rousos «Сувенир» музыкаларын оонньоон иһитиннэрдэ. Сүүйүүлээх оонньуу түмүгэр сүрүн бириис «Мини диван» Гуляева Марта Михайловнаҕа тиксэн, Саҥа дьыллааҕы бэлэҕи тутан үөрүүтүгэр үөрүү эбилиннэ. Тымныы оҕонньор, Хаарчаана, Саҥа дьыл Чараҥ олохтоохторун истиҥник эҕэрдэлээтилэр, алгыстарын эттилэр. Саҥа Дьылынан! Саҥа Дьолунан!

От admin

Добавить комментарий