Сэтинньи 25 күнүгэр Уус-Алдан улууһун олоҥхо декадатыгар кыттыһан «Оҕолор олоҥхону ааҕаллар» тэрээһин ыытылынна.
Тэрээһин сыала: Оҕолорго олоҥхо уус-уран тылынан санааны сааһылаан суруйар, сиһилии быһааран, толкуйдуур, хоһуйар үөрүйэҕи иҥэрэр сүдү айымньы буоларын тиэрдии.
Соруктара: Олоҥхону ааҕарга көҕүлээһин;
- Олоҥхо — уран, барҕа баай тылыгар болҕомтолоох буолары ситиһии;
- Төрөөбүт тылга ытыктабылы, тапталы иҥэрии;
- Олоҥхо үтүө, сырдык санаатын, олоххо дьулуурун биллэрии;
- Ырытар, айар дьоҕуру сайыннарыы.
