Сэтинньи 20 күнүгэр В.В. Никифоров-Күлүмнүүр аатынан «Тойон Мүрү» култуура дыбарыаһыгар улууска норуодунай кэллэктииптэр күннэригэр Чараҥнааҕы «АЛТАН КЫЛ» айар устуудьуйа норуодунай кэллэктиип тыыннаах ырыа алыптаах киэһэтин бэлэхтээтэ. Дьоро киэһэҕэ «Алтан кыл» устуудьуйа кыттыылаахтара: Гаврил Свинобоев, Петр Копырин, Павел Охлопков, Юрий Сторожев, Туйаара Румянцева, Иннокентий Алексеев, Снежана Охлопкова, Николай Бурцев, Олеся Крылова, «Тыыннаах» бөлөх төрүттээччитэ Константин Слепцов, кэскиллээх гитарист Айастаан Шепелев , «Айтал» бөлөх барабаанньыта Сергей Павлов кытыннылар. Олохтоох ааптардар, кэргэннии Екатерина, Гаврил Свинобоевтар саҥа ырыалара күн сирин көрдүлэр. Евдокия Васильева, Айаал Вырдылин дуэттарынан «Тиһэх кэпсэтии» ырыа сүрэхтэннэ.