Алтынньы 26 күнүгэр Арассыыйа тимир көлө үлэһиттэрин күнүн көрсө СӨ автомобильнай транспорын бочуоттаах үлэһитэ, Уус Алдан улууһун чөмпүйүөн суоппара, Уус Алдан улууһун социальнай-экономическай сайдыытыгар киллэрбит өҥөтүн иһин бэлиэ хаһаайына Валерий Иннокентьевич Сивцев сырдык кэриэһигэр уонна төрөөбүтэ 65 сылыгар ыытыллар «ЫРЫА АЙАНЫМ АРГЫҺА» биирдиилээн ырыаны толоруу күөн күрэс-кэнсиэр буолан ааста. Бырайыак ааптара — Наталия Панкратьевна Сивцева. Күрэххэ чуолаан, ыарахан уйуктаах тимир көлө уонна ыраах айан суоппардара кыттыыны ыллылар. Түмүккэ маннык буолла: 1. Гран При — Петр Охлопков (Суотту) уу харчынан 50 000 солк; 2. 1 истиэпэннээх Лауреат — Петр Копырин (Чараҥ) торцовочнай эрбии; 3. 2-с истиэпэннээх Лауреат Дмитрий Жирков (Дьокуускай) автомойка; 4. 3-с истиэпэннээх Лауреат Дмитрий Жирков (Нам 2 Хомустах) мотокосилка; 5. 1 истиэпэннээх Дипломант Анатолий Калачев (Хатас) циркулярнай эрбии; 6. 2-с истиэпэннээх Дипломант Михаил Конников (Бороҕон) болгарка. Көрөөччү биһирэбилин Дмитрий Жирков (Нам 2 Хомустах) ылан, сварочнай аппараат туттарылынна. Кыайыылаахтар Н.П. Сивцева дьиэ кэргэнин, Валерий Иннокентьевич бииргэ үөрэммит, үлэлээбит доҕотторо, аймахтара туруорбут анал бэлэхтэринэн наҕараадаланнылар.
