Сэтинньи 7 күнүгэр Кыһыл Өктөөп өрөбөлүүссүйэтин, Комсомол уонна Сомоҕолоһуу күннэригэр аҕам саастаах дьон оҕолорго анаан «ИСТОРИЯ БЫЫҺЫН СЭГЭТЭН» көлүөнэлэр көрсүһүүлэрин тэрийэн ыытта. «Уруйдаабыппыт, Кыһыл Өктөөбү!», «Комсомол — ыччат түмсүүтэ» аҕам саастаах көлүөнэ оҕо-эдэр саастарын ахтыылара, «Дойдубут күүһэ — норуоппут сомоҕолоһуутугар» — доҕордоһуу туһунан хоһооннору уус-уран ааҕыы бииртэн-биир ситимнэнэн истилэр. Тэрээһин Дойдубут өрөгөй ырыатын «Гимн России» күргүөмүнэн толоруунан түмүктэннэ.
