«Быстыбат ситим» испэктээк

Ыам ыйын 19 күнүгэр САССР үтүөлээх артыыһа, драматург, артыыс маастарыстыбатыгар уһуйааччы Ылдьаа Нохуоккун аатынан Чараҥ култууратын киинин сыанатыгар бэйээт, суруналыыс Уйбаан Уххан хоһооннорунан таҥыллыбыт «Быстыбат ситим» испэктээк турда.
Испэктээккэ быйыл Баһылай Мыгаалкын аатынан Чараҥ оскуолатын бүтэрэр 11 кылаас оҕолоро кыттыыны ыллылар. Сүрүн оруолларга: Айаал — Николай Бурцев, Өбүгэ ситимэ — Артур Свинобоев оонньоотулар.
Маны таһынан, испэктээккэ кыттыыны ыллылар ЧОО оскуолатын 3-с кылааһын үөрэнээччилэрэ (сал. М.С. Федосеева), «Манчаары» тыйаатыраалынай устуудьуйа кыттыылаахтара. Сынаарыйы суруйуу, туруоруу — Екатерина Свинобоева.