Сэтинньи 4 күнүгэр Уус Алдан улууһун Хоро нэһилиэгин Чараҥыттан төрүттээх театралынай үскүүстүбэ маастардара, доҕордуу Ылдьаа Нохуоккун уонна Миитэрэй Хапыырын олохторун, айар үлэлэрин сиһилии кэпсиир “Күөрэгэйдээх алаастан Саха театрыгар” экспозиция үөрүүлээх аһыллыыта буолла.
Илья Иванович Находкин – Саха АССР үтүөлээх артыыһа, драматург, Дьокуускайдааҕы култуурунай-сырдатар училище артыыс сатабыла (актерское мастерство) уһуйааччытынан үлэлээбитэ. Кини Саха театрыгар артыыс быһыытынан үлэлээбит сылларыгар барыта 50-тан тахса бэйэ-бэйэлэригэр майгыннаспат оруоллары үрдүк таһымнаахтык арыйбыта.
1950-с сыллартан суруйбут драмалара “Суол төрдүгэр”, “Улахан доҕор”, “Күөрэгэйдээх алааска”, “Хабырылла Дьөгүөрэп”, “Оонньоммотох оруол” үрдүк таһымнаах айымньы быһыытынан сыаналанан, тута театр сценатыгар туруоруллубуттара. “Олохпут иннибитигэр” пьесатын Ньурбатааҕы көһө сылдьар театра уонна П. Ойуунускай аат. Таатта народнай театра туоруораннар көрөөччү дьүүлүгэр таһаарбыттара.
Дмитрий Петрович Копырин М.С. Щепкин аат. үрдүкү театралынай училищены кыһыл дипломунан бүтэрбитэ. Саха театрыгар, Үөһээ Бүлүү народнай театрыгар, кэлин Уус Алдаҥҥа Найахы, Суотту, Чараҥ култуура дьиэлэригэр уус-уран салайааччынан айымньылаахтык үлэлээбитэ.
Дмитрий Петрович арыйбыт уобарастара: Москватааҕы Малай театрыгар А. Островскай “Снегурочка” – Отрок, М. Горькай “На дне” – Лука (странник), В. Шекспир “Ромео и Джульетта” – Тибаль, Павленко “Счастье” – холкуос бэрэссэдээтэлэ; Саха театрыгар Мольер “Скапен албастара” – Скапен, Избеков “Сыгый Кырынаастыыр” – Түбэй Чубук, С. Омоллоон “Сайсары” – Мүлдьү, И. Гоголев “Хотугу сибэкки” – Чуораан Бүөтүр, Войнич – “Тигээйи” – Доктор Рикардо, Үөһээ Бүлүү театрыгар Цао Юй “Силлиэ” – Чун уо.д.а. арыйбыта.
Ылдьаа Нохуоккун уонна Миитэрэй Хапыырын театралынай үскүүстүбэтигэр бииргэ тэлбит сыллара, суоллара:
1944-1946 сс. Саха музыкальнай-драматическай театрын устуудьуйатын устудьуоннара;
1946-1950 сс. Саха музыкальнай-драматическай театрын артыыстара;
1950-1952 сс. М.С. Щепкин аат. үрдүкү театралынай училище устудьуоннара;
1955-1960 сс. Саха музыкальнай-драматическай театрын артыыстара.
Барыга дэгиттэр дьоҕурдаах музыкант, ырыа айааччы Гаврил Свинобоев-Гаят айан оҥорбут “Күөрэгэйдээх алаас” барельеф хартыыната экспозиция ис хоһоонун ситэрэн биэрэр.
play youtube,
Brazzer,
xhamster,
xvideos,
hentai,
porn,
tiktok download,
MP3 download,
Download Mp3,
,
Panthers Georgia,
sex mex,
mp3play,