Ийэ барахсан кыһамньытынан, иитиитинэн-такайыытынан оҕоҕо олук уурар. Өрөспүүбүлүкэбит Ил Дархана: “Ийэ сылыгар, биэс уонна онтон элбэх оҕолоох ыалларга анаан дьиэ ылыыларыгар көмө баар буолуоҕа. Маны таһынан, муниципальнай тэриллиилэр биэстэн элбэх оҕолоох дьиэ кэргэҥҥэ көмөлөһөллөрүгэр, кинилэри дьиэ-уот нолуогуттан босхолуулларыгар этии киллэрэбин”, диэн иһитиннэрбитэ ийэлэргэ элбэҕи эрэннэрэр.
Нэһилиэкпитигэр 5-тэн элбэх оҕолоох ийэлэр эмиэ бааллар – 7 оҕолоох Вера Александровна Самсонова, 10 оҕолоох Айталина Андреевна Макеева, 6 оҕолоох Светлана Валентиновна Стручкова, ахсыстарын кэтэһэр 7 оҕолоох Туяра Гаврильевна Федорова, 5 оҕолоох Туяра Анатольевна Румянцева.
Кинилэргэ махтанабыт, алаһа дьиэлэригэр, дьиэ кэргэттэригэр дьолу баҕарабыт!
Charan