Ылдьаа Нохуоккун аат. култуура киинэ олунньу 5 күнүгэр I Хоро нэһилиэгэр Өрөспүүбүлүкэҕэ биллэриллибит Ийэ сылын аһыллыытын-онлайн тэрээһини оҥордубут.
Нэһилиэк баһылыга В.В. Бурцев, нэһилиэк сэбиэтин бэрэссэдээтэлин солбуйааччы С.М. Бурцева эҕэрдэлэрин, сыана бэтэрээнэ Николай Бурцев толоруутугар А. Никифоров тылларыгар уонна мелодиятыгар «Мин ийэм», Иван Карпов толоруутугар Е. Свинобоева тылларыгар уонна мелодиятыгар «Ийэккээм» ырыалары урукку устууттан киллэрэн көрдөрдүбүт.
1970-с сылларга «Дьоруой Ийэ» үрдүк аатын ылбыт нэһилиэк икки Дьоруой Ийэлэрин — Мария Афанасьевна Бурцева, Александра Гаврильевна Свинобоева олохторун сырдатан, оҕолорун ахтыыларын ааҕан иһитиннэрдибит.
Кыраайы үөрэтээччи К.Г. Бурцева, нэһилиэкпититтэн ыҥырыллыбыт саллааттар ийэлэрин чинчийэн үөрэтиитинэн Кулантай аат. уран сурук түмэлэ (сал. К.А. Крылова) 2020 с. «Атаарбыттара сэриигэ сүрэхтэрин ыга туттан» боросуураны таһааттарбытын көрдөрөн, «ийэлэр бааллар өрүү» история быыһын сэгэттибит.
Нэһилиэкпит 5-тэн элбэх оҕолоох ийэлэрин: В.А. Самсонова, А.А. Макеева, С.В. Стручкова, Т.Г. Федорова, Т.А. Румянцева дьиэ кэргэттэрин медиапрезентацияларынан нэһилиэкпит инники кэскилин түстээтибит.
«Туругурдуннар Ийэ, Олох уонна Эйэ» тылларынан онлайн тэрээһини түмүктээтибит.
Оператор — Александр Васильев
Звукооператор — Виктор Самсонов
Видеомонтаж — Аким Сысолятин
Музыкальное оформление — Гаврил Свинобоев
Режиссер — Екатерина Свиобоева
Директор — Александра Свинобоева
Charan