«БЫЫС АҺЫЛЛАР» 59 сезон

Сэтинньи 26 күнүгэр өр кэмнээҕи кэтэһии кэннэ күндү көрөөччүлэрбитигэр
«БЫЫС АҺЫЛЛАР»
59-с кэнсиэртиир кэммитин арыйдыбыт.
Кэнсиэргэ быйыл ыам ыйын 1 күнүгэр ыытыллыбыт «Ыллас миигин кытары» кэнсиэр бастыҥ дуэттара: Снежана Охлопкова уонна Николай Бурцев, Туяра Румянцева уонна Петр Копырин, Евдокия уонна Иван Окоемовтар ураты толорууларынан, «Күбэйэ» ырыа бөлөҕө (сал. А. Свинобоева) саҥа ырыанан, «Алтан кыл» айар устуудьуйа (сал. Г. Свинобоев) тыыннаах доҕуһуолунан киэргэттилэр. «Манчаары» театральнай устуудьуйа (Е. Свинобоева) «Таптал таабырына», «Дистационнай үөрэх», «Алампа ыйааҕа»инсценировкаларга — Сардаана Антипина, Марианна Федосеева, Александр Гоголев, Александр Васильев итэҕэтиилээхтик оонньоотулар. Кэнсиэр иннинэ бу дьыл балаҕан ыйыттан куйаар ситимин нөҥүө ыыппыт тэрээһиннэрбитин «Умнуллубат Ойуунускай ыһыаҕа» хаартысканан устуоруйа киинэни, «Ийэбэр ас астыыбын» кыра асчыттар өрөспүүбүлүкэтээҕи күрэхтэрин түмүгүн, «Холуста алыптаах эйгэтэ» онлайн-быыстапканы көрдөрдүбүт.
Кэнсэри салайан ыытта — Александр Гоголев.
Кэнсиэр лоп курдук 19:00 ч. саҕаламмыта, кэнсиэргэ киирии
QR-куодунан ыытыллыбыта.
Бары кыттааччыларбытыгар истиҥник махтанабыт, өрүү көрөөччү ытыһын тыаһын истиэххитин баҕарабыт.