Комсомол — коммунистический союз молодежи диэн кылгатыллыбыта буолар.Комсомол күнүгэр анаан «ИСТОРИЯ КЭРЭҺИТТЭРИНЭЭН БИИРГЭ» диэн оҕолорго ыйытыктарга хоруйдары таайы ыытылынна. Сүрүн сорукпут -оҕолорго ааспыт кэм кэрчиктэрин билиһиннэрии, история кэрэһиттэрэ Комсомол күүрээннээх олоҕор бэйэлэрин кыттыыларын, ол кэминээҕи ыччат дьон үлэтин – хамнаһын, өрөгөйдөөх ситиһиилэрин, сырдык ыра санааларын ахтан кэпсииллэригэр, ону туоһулуур хаартыскалары, кичэйэн уура сылдьар комсомольскай билиэттэрин, значоктарын уонна Комсомол ииппит дьоно күн да бүгүн ыччат дьоҥҥо бэйэлэрин олохторунан өрүү бастыҥ холобур буола туралларын көрдөрүүгэ туһуламмыта.Кыайыылаахтар — Бурнашева Айгыына, Лөгөй ОО 9 кыл. үөрэнээччитэ эбэтинээн Бурнашева Валентина Ивановналыын уонна»Билиигэ дьулуһуутун иһин» анал аакка тиксибит — Крылова Олеся В.Н. Мигалкин аат. Чараҥ ОО 8 кыл. үөрэнээччитэ ийэтинээн Крылова Саргылаана Федровналыын «Цифра+» фотостудия өҥөтүнэн туһанар туһунан туоһу суругунан бэлиэтэннилэр.