АЙЫЛҔА БЭЛЭҔЭ НЭЛЭЭНИ ХАРЫСТАА!

ВИДЕОРОЛИК КҮРЭҔЭ ТҮМҮКТЭННЭ!

Уус-Алдан улууһун 1-кы Хоро нэһилиэгэр Ырааһырдыы ыйын чэрчитинэн
«АЙЫЛҔА БЭЛЭҔЭ НЭЛЭЭНИ ХАРЫСТАА!»
социальнай рекламнай видеоролик күрэҕэр кыттыыны ылбыттарга, куоластарын биэрэн өйөөбүт бар дьоммутугар махтанан туран күрэх түмүгүн биллэрэбит

• Дьүүллүүр сүбэ түмүгэ:
1-кы миэстэ — «Айылҕаны харыстаан — киһи бэйэтин харыстыыр» ролик. Автордар «Кэрэчээн» уһуйаан оҕолоро (Чараҥ).
2-с миэстэ — «Оҕо эрдэхтэн хас биирдии киһи Ийэ айылҕаны харыстыахтаах» ролик. Автордар Антипиннар дьиэ-кэргэн (Чараҥ).
3-с миэстэ — «Нэлээни ойуулаабыт хаартыскаларым» ролик. Автор Аркадий Охлопков (Чараҥ).

«Ытык сир кэлэр кэскилэ» анал аат — «Хатыҥнаах Чараҥым Нэлээнигэр турар Ойуунускай пааматынньыгын үйэтитэр баҕа санаам» ролик. Автор Алена Гуляева (Чараҥ).
«Нэлээн айар кут иэйиитэ»анал аат — «Хоһооҥҥо хоһуллар Хатыҥчааным» ролик. Автор Любовь Кривошапкина (Чараҥ).
«Нэлээммит кэрэ көстүүлэрэ» анал аат — «Нэлээн айылҕатын харыстыаҕыҥ» ролик. Автор Леонид Ушницкай (Бороҕон).

• Инстраграмынан куоластааһын түмүгэ:
1-кы миэстэ — «Хатыҥнаах Чараҥым Нэлээнигэр турар Ойуунускай пааматынньыгын үйэтитэр баҕа санаам» ролик. Автор Алена Гуляева (Чараҥ).
2-с миэстэ — «Оҕо эрдэхтэн хас биирдии киһи Ийэ айылҕаны харыстыахтаах»
ролик. Автордар Антипиннар дьиэ-кэргэн (Чараҥ).
3-с миэстэ — «Нэлээн айылҕатын харыстыаҕыҥ» ролик. Автор Леонид Ушницкай (Бороҕон).

Айылҕа анаан айбыт маанылаах сирин Нэлээни харыстыыгар анаммыт күрэх кыттыылаахтарыгар барҕа махтал буоллун. Чараас дууһаҕытынан айылҕаны араҥаччылыыр сырдык үтүө санааҕыт бар дьоҥҥо тиийдэҕэ буоллун. Баҕарабыт бу дьарыккытын сайыннаран өссө үрдүк таһымнаах, дириҥ ис хоһоонноох роликтарын оҥоро тураргытыгар.

Айылҕа харыстабылыгар халыҥ хахха, бөҕө тирэх буолуҥ!

Махталы кытта Чараҥ сынньалаҥ киинэ.