МУНИЦИПАЛЬНОЕ БЮДЖЕТНОЕ УЧРЕЖДЕНИЕ "ЧАРАНСКИЙ ЦЕНТР ДОСУГА ИМЕНИ ИЛЬИ ИВАНОВИЧА НАХОДКИНА"

Аҕа саастаахтар декадаларын түмүктүүр дьоро киэһэ.

12.10.2019с.

Алтынньы ый 12 күнүгэр нэһилиэк пенсионердарыгар, бэтирээннэригэр аҕа саастаахтар декадаларын түмүктуур бырааһынньыктааҕы киэһэ буолан ааста. Программа быһыытынан, тэрээһин бастакы чааһыгар декада тумуктээһинэ, юбилейдаахтары эҕэрдэлээтилэр, «Эдэр ийэлэр» түмсүүлэрэ аҕа саастаах дьоммутугар бэйэлэрэ тикпит сылаас үтүлүктэрин бэлэх ууннулар. Бу тэрээһиннэ кэлбит а5а саастаах дьоҥҥо анаан бэйэлэрин эҕэрдэ тылларын тиэртилэр нэһилиэк дьаһалтата Виталий Витальевич Гуляев, «Ытык сүбэ» бэтэрээн сэбиэтин салайааччыта Зинаида Ивановна Егорова, Кулантай аатынан литературнай музей комплекс аатыттан Екатерина Прокопьевна Свинобоева, «Эдэр ийэлэр» түмсүү салайааччыта Татьяна Николаевна Васильева.

Иккис чааһыгар, «Дьоһун мааны ыал» диэн Макеевтар дьиэ кэргэн ыал буолбуттара 50 сылларынан,  Михаил Еремеевич 75 сааһынан уонна республикаҕа ситиһиилэринэн эҕэрдэлиир дьоро чаастара буолан ааста. Ону таһынан, тэрээһин кэмигэр «Үлэнэн киэркэйбит олох» ыал ийэтэ уран тарбахтаах Тамара Дмитриевна оҥоһуктарын, коллекцияларын быстапкатын тэрийэн туруорда Клара Гаврильевна Бурцева. Макеевтар дьиэ кэргэни эҕэрдэлээтилэр улуус ЗАГС-ҕа управлениятын салайааччыта Аксиния Ильинична Бурнашева, бэтэрээн сэбиэтэ М.Е.Фомина, социальнай управленияттан Елена Егоровна Кривошапкина, «Үһүс саас оскуола» салайааччылара Христина Прокопьевна Васильева, Д.Н.Бурнашева, бииргэ үөрммиттэрэ, үөлээннээхтэрэ, түөлбэлэр уо.д.а.. Тамара Дмитриевна уонна Михаил Еремеевич Макеевтар дьиэ кэргэн оҕолорун, сиэннэрин хаартыскаларын түмэн улууска ЗАГС-а управлениятын «Золотая книга» диэн кыһыл көмүс сыбаайбалаах ыллар кинигэлэригэр киирдилэр.

Тэрээһин кэмигэр араас көрдөөх остуол оонньуулара, тэттик конкурстар, үҥкүү-битии, бэйэлэрин ылбаҕай ырыаларынан эҕэрдэлэрин тиэртилэр «Күбэйэ» вокальнай ансамбль, Туяра Румянцева, Снежана Охлопкова, Диана Бурцева, Николай Бурцев, Ньургун Бурцев.

Добавить комментарий

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты:
<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>