МУНИЦИПАЛЬНОЕ БЮДЖЕТНОЕ УЧРЕЖДЕНИЕ "ЧАРАНСКИЙ ЦЕНТР ДОСУГА ИМЕНИ ИЛЬИ ИВАНОВИЧА НАХОДКИНА"

«Хоро Бэргэн — 2021»

Муус устар 3-4 күннэригэр Уус-Алдан Хоролоро, Чараҥнар уонна Майаҕастар, Дьокуускай куоракка көһөн киирэн «Стерх» СК «Хоро Бэргэн» саха төрүт оҕунан ытыыга республиканскай турниры СР оҕунан ытыы федерациятын кытта ыытан кэллибит. Бу күрэҕи Хороттон төрүттээх федерация председателэ Бурцев Петр Васильевич төрүттээн быйыл иккис төгүлүн ыытта. Бастакы күрэх 2019 сыллаахха Чараҥҥа буолбута.
Быйылгы күрэххэ барыта 20 улуустан 151 киһи кыттыыны ылла. Күрэххэ 5 бөлөҕүнэн (эр дьоннор, дьахтадлар, ветеран эр дьоннор, ветеран дьахаллар уонна нэһилиэк баҥылыктара) түөртүү көрүҥҥэ кииристилэр. Ол курдук тииҥ, куобах, кус уонна үс көрүҥ түмүгүнэн кыайыылаахтары таһаардылар.
Түмүккэ хамаанданан киирсии буолла. Манна 1-кы миэстэ Чурапчы улууһа, 2-с миэстэ Мэҥэ Хаҥалас, 3-с Уус-Алдан улууһун 1-кы хамаандата. Хамаанда хаппытаана 1-кы Хоро нэһилиэгин баһылыгар Бурцев Василий Васильевич. Бу көрүҥҥэ 17 улуус хамаандата кыттыбытыттан биһиги хамаандабыт үс иһигэр киирэн республика бастыҥнарын иһигэр киирдэ. Онон бу үрдүк ситиһиинэн «Хоро Бэргэннэригэр» Уус-Алдан охчуттарыгар итии-истиҥ эҕэрдэ буолуохтун.

«Хоро Бэргэн» республиканскай турнирга икки булт саата уонна икки кухоннай гарнитур оонньонно. Ону таьынан 1-кы Хоро уонаа Хоро нэьилиэктэрин анал бириистэрэ, хас белех аайы Федерациятуруорбут бириистэрэ ананна. Биир сүрүн бирииһи МР булт саатын «БАДААР»маҕаһыын олохтоото, салайааччы Бурцев Семен Петрович. Махтал!

Добавить комментарий