Алтынньы 3 күнүгэр Чараҥ культуратын тэрилтэлэрэ холбоһон Сомоголоьуу күнүгэр анаммыт «Квиз-СОМОҔО» интеллектуальнай аралдьытар онлайн оонньуу WatsApp сыһыарыы нөҥүө тэрийэн ытта. Куйаар ситимигэр саҥа сонун оонньуу түөлбэлэрин икки ардыларыгар ыытылынна. Барыта 5 хамаандаҕа 20 киһи кыттыыны ылла. Күрэх араас хайысхалаах биэс түһүмэҕинэн барда. Ол курдук хамаандалар бэриллибит бириэмэ устата нэһилиэк историятыттан, литература, киинэ эйгэтиттэн ыйытыктарга хоруйдаатылар, ребустары, сахалыы таабырыннары таайдылар. Хамаанда мэтириэтин хаартысканан онорон сорудаҕы толордулар.
Күрэх барыта 3 чаас устата буолла. Онон дьиэҕэ олорор оонньооччулар бириэмэни билбэккэ бэрт сэргэхтик уонна туһалаахтык атааран тэрийээччилэргэ махтал тылларын анаатылар.
«Квиз-СОМОҔО» интеллектуальнай аралдьытар онлайн оонньуу түмүгэ:
- 1-кы миэстэ 43,5 очукуолаах “Сыһыы” түөлбэ хамаандата (Капитан Татьяна Бурцева)
- 2-с миэстэ 42,5 “Туску” түөлбэ хамаандата (Саргылана Бурцева)
- 3-с миэстэ 40 очукуолаах “Эрэл” түөлбэ хамаандата (Туйаар Румянцева)
- 4-с миэстэ 37 очукуолаах “Дьүөгэ” хамаандата (Марина Ханчаева)
- 5-с миэстэ 35.5 очукуолаах “Түмсүү” түөлбэ хамаандата (Татьяна Васильева)
Ити курдук Чараҥ культуратын тэрилтэрэ И.И.Находкин аатынан Чараҥ сынньалаҥ киинэ, олохтоох библиотека уонна Кулантай аатынан литература түмэлэ бары холбоһон куйаар ситимигэр Квиз оонньууну, онтон да атын бырайыактары нэһилиэк эрэ иһигэр буолбакка улуус таһымыгар ыытар былааннаахтар. Тэрийэр холбоһук айар үлэтигэр ситиһиилэри баҕарабыт уонна «Квиз-СОМОҔО» интеллектуальнай аралдьытар онлайн оонньуу кыттыылаахтарыгар эҕэрдэбитин ыытабыт.
