Алтынньы 6 күнүгэр Аан дойду Аҕам саастаахтарын декадаларыгар анаан, икки сыл устата ыытыллыбатах тэрээһиммитин — сынньалаҥ киэһэни нэһилиэкпит аҕам саастаахтарыгар тэрийэн ыыттыбыт.
Тэрээһиммит Саха Аптаныамыйата төрүттэммитэ 100 сылыгар ыытыллыбыт Саха сирин норуоттарын 8-с спортивнай оонньуулара үрдүк таһымнаахтык тэриллиитигэр күүс-көмө буолбут, кыттыыны ылбыт нэһилиэк аҕам саастаахтарыгар махтал суруктары култуура киинин салайааччыта А.Н. Свинобоева туттарыытынан саҕаланна. Ону сэргэ нэһилиэк тэрилтэлэрин, идэлээх сойуустарын салайааччылара эҕэрдэлээтилэр.
С. Борогонскай аат. киин бибилэтиэкэ Чараҥнааҕы ситимэ (сал. Л.С. Бурцева) «Билсиҥ, саҥа кинигэлэр» быыстапкатын туруоран сырдатта.
Билиҥҥи уустук кэмҥэ кырдьаҕастарбыт чарааһаабыт сүрэхтэрин уоскута, санааларын бөҕөргөтө «Аан дойду политическай балаһыанньатын» Сэһэн Ардьакыап аат. улуус историятын түмэлин үлэһитэ А.П. Сивцев кэлэн сиһилии кэпсээтэ, ыйытыктарга хоруйдаата.
«Саха фильм» КХ «Сайдыы кэрэһиттэрэ» 5 чаҕылхай дьахталларын туһунан докумуоннарга олоҕурбут киинэни көрөн ааспыт кэрэ кэмнэрин санаатылар.
Ол кэнниттэн итии чэйдээх остуол тула олорон санаа атастастылар, дуоһуйа сэһэргэстилэр
admin